मुंबई:-महाराष्ट्रात विधानसभा निवडणुकीचा प्रचार जोरात सुरु आहे. त्यावेळी अमंलबजावणी संचालनालयाने मोठी कारवाई केली आहे. बीड येथील मुख्यालय असलेल्या ज्ञानराधा मल्टीस्टेट को- ऑपरेटीव्ह सोसायटीवर ही करवाई झाली आहे. आर्थिक घोटाळ्याप्रकरणी ईडीने सोसायटीची 333 कोटी 82 लाख रुपयांची मालमत्ता जप्त केली. या प्रकरणात 49 गुन्हे दाखल आहे. जप्त केलेल्या मालमत्तेमध्ये सुरेश कुटे यांच्या कुटे डेअरी, कुटे सन्स फ्रेश डेअरी या कंपन्यांच्या जमिनी, इमारती, प्रकल्प आणि मशिनरीचा समावेश आहे. या मालमत्ता सातारा व अहिल्यानगर जिल्ह्यात आहेत. सध्या ज्ञानराधाचा अध्यक्ष सुरेश कुटे, उपाध्यक्ष यशवंत कुलकर्णी कारागृहात आहेत.*
*👉🟥🟥👉सुरेश कुटे यांनी ज्ञानराधा मल्टीस्टेट को- ऑपरेटीव्ह सोसायटीत 2318 कोटी रुपयांचा अपहार करत ते पैसे आपल्या अन्य कंपन्यांत कर्ज रूपाने वळवल्याचा ठपका ईडीने ठेवला आहे. हे पैसे नंतर रोखीने काढून घेत त्याद्वारे त्यांनी वैयक्तिक मालमत्तांची खरेदी केल्याचेही तपासात दिसून आले आहे. या प्रकरणात मनी लॉड्रिग झाल्याचे निदर्शनास आल्यानंतर ईडीनेही याचा तपास सुरू केला होता. ज्ञानराधा मल्टीस्टेट को- ऑपरेटीव्ह सोसायटीच्या महाराष्ट्रासह देशातील इतर शहरांमध्ये एकूण 50 शाखा आहेत. या सोसायटीत पावणेचार लाख ठेवीदारांच्या ठेवी होत्या. एकूण तीन हजार कोटी रुपयांपेक्षा जास्त रक्कम ठेवीदारांची अडकली आहे. ठेवीदारांच्या फसवणूक प्रकरणात जालना, छत्रपती संभाजीनगरमध्ये गुन्हे दाखल आहेत. ज्ञानराधा सोसायटीतून परदेशात पैसा गेल्याचा संशय तपास संस्थांना आहे. यामुळे या प्रकरणाचा तपास ईडीकडे देण्यात आला.*
*👉🔴🔴👉अमंलबजावणी संचालनालयाने 10 ऑक्टोबर रोजी ज्ञानराधाची मालमत्ता जप्त केली होती. एकूण 1002 कोटी 79 लाख रुपयांची मालमत्तेवर टाच ईडीने आणली होती. ईडीने जप्त केलेल्या मालमत्तेमध्ये मुंबई, छत्रपती संभाजीनगर, बीड, जालना येथील काही इमारती आणि भूखंड होते.*
