“‘जाती फोडून झाल्या – आता गाड्या फोडून पंतप्रधान होण्याचा प्रयत्न सुरू”भाजपा आमदार मेघना बोर्डीकर यांचा राष्ट्रवादी काँग्रेस पक्षावर घणाघात!
भारतीय जनता पक्षाचे विधानपरिषदेचे आमदार गोपीचंद पडळकर यांच्या गाडीवर सोलापूर येथे अज्ञाताने गुरुवारी दगड भिरकावला,यामध्ये हल्ल्यात गोपीचंद पडळकर यांच्या गाडीची काच फुटून गाडीचे नुकसान झाले.सुदैवाने या हल्यात आमदार गोपीचंद पडळकर व त्यांचे सहकारी यांना कोणत्याही प्रकारची इजा झाली नाही.
सोलापूर जिल्ह्यातील मड्डी वस्ती येथे हा प्रकार घडला आहे.
या हल्ल्यानंतर भाजपधून राष्ट्रवादी काँग्रेसवर कडाडून टीका करण्यात येत आहे.
या घटनेवरून भाजप महिला नेत्या आणि आमदार मेघना बोर्डीकर यांनी राष्ट्रवादी काँग्रेसचे प्रमुख शरद पवार यांच्यावरच खोचक टीका केली आहे.
‘जाती फोडून झाल्या – आता गाड्या फोडून पंतप्रधान होण्याचा प्रयत्न सुरू,’ असल्याचा टोला आमदार बोर्डीकर यांनी लगावला.
तसेच आमदार मेघना बोर्डीकर यांनी ,आमदार गोपीचंद पडळकर यांच्यावर केलेल्या हल्ल्याचा जाहीर निषेध केला.
गोपीचंद पडळकरांनी याबाबत ट्विट करत अज्ञात व्यक्तिचा त्यांच्या गाडीवर दगड टाकतानाचा व्हिडीओ पोस्ट केला आहे.
महाराष्ट्राचा बुलंद वाघ शरद पवार, असं दगडफेक करणारा घोषणा देताना व्हिडीओत दिसत आहे.त्याने तेथून पळ काढला आहे.त्यामुळे त्याची अद्याप ओळख पटली नाही.
पंतप्रधान पदाचा गोड गैरसमज –
या हल्ल्याविषयी बोलताना आमदार गोपीचंद पडळकर म्हणाले की, प्रस्थापितांचा खरा चेहरा महाराष्ट्राच्या जनतेसमोर आला आहे. अशा भ्याड हल्ल्यांना मी घाबरत नाही. माझ्यावर हल्ला करून जर तुमचे साहेब पंतप्रधान होणार असतील, तर हा तुमचा गोड गैरसमज आहे.