आषाढी एकादशीला पंढरपूरात मुख्यमंत्र्यांच्या हस्ते महापूजा*
*🙏🌹श्री विठ्ठल-रूक्मिणी मंदिर समितीच्या बैठकीत निर्णय,👉लवकरच निमंत्रण देणार*
*पंढरपूर :-जुलै महिन्यात येणारी आषाढी एकादशीची परंपरेप्रमाणे शासकीय महापूजा मुख्यमंत्री उध्दव ठाकरे यांच्या हस्ते करण्याचा निर्णय तसेच परंपरेप्रमाणे श्री विठ्ठल-रूक्मिणीचे विधी व पूजा करण्यासाठी शासनाने परवानगी द्यावी. यासाठी प्रस्ताव तयार करून उपविभागीय अधिकार्यांच्या मार्फत जिल्हाधिकार्यांना व शासनाला पाठविण्यात येणार आहे.आषाढी एकादशीबाबत चर्चा करण्यासाठी श्री विठ्ठल-रूक्मिणी मंदिर समितीची गुरूवारी बैठक झाली. बैठकीच्या अध्यक्ष स्थानी समितीचे सहाध्यक्ष ह. भ. प. गहीनीनाथ महाराज औसेकर होते. या बैठकीस चार स्थानिक सदस्य उपस्थित होते. इतर सदस्य व्हीडीओ कॉन्फरन्सद्वारे सहभागी झाले.*
*👉या बैठकीत आषाढी एकादशी परंपरेप्रमाणे होण्यावर एकमत झाला. त्यानुसार महाराष्ट्राचे मुख्यमंत्री यांच्या हस्ते शासकीय महापूजा होईल.त्यासाठी त्यांना अधिकृत निमंत्रण देण्याचा ठराव करण्यात आला. तसेच मंदिर समितीची होणारी पाद्यापूजा, शासकीय महापूजा, शासनाने दिलेल्या मुख्य पालख्यांना परवानगी व त्यांची पांडुरंगाबरोबर देव आणि पादुका यांची भेट होणेबाबत, श्री विठ्ठलास 18 संस्थांचे नैवेद्य दाखविण्यात येतात. त्यांना परवानगी देणे, आषाढी एकादशी दिवशी खाजगीवाल्यांचा रथोत्सव परंपरेप्रमाणे निघतो. त्यास परवानगी देणे, मानाच्या 195 फडकर्यांना दर्शनासाठी परवानगी देणे, पांडुरंगाच्या पादुकांची परंपरेप्रमाणे मिरवणूक निघते, त्या मिरवणूकीस परवानगी देणे त्यांना महाद्वार काला होता या महाद्वार काल्यास परवानगी देणे व प्रक्षापूजेला परवानगी मागणे या व इतर प्रथा व परंपरेचे जतन करून शासनाने परवानगी द्यावी. तसेच महापूजेच्या मानाच्या वारकरी ठरविणे याबाबत चर्चा करून निर्णय घेण्यात आले. याबाबतचा प्रस्ताव तयार करून उपविभागीय अधिकार्यांच्या मार्फत जिल्हाधिकार्यांना पाठविण्याबाबत चर्चा झाली.*
*👉आषाढी यात्रेनिमित्त 12 जुलैपासून श्री विठ्ठलाचा पलंग काढण्यात येणार आहे. त्यानंतर श्री विठ्ठलाचे 24 तास ऑनलाईन पध्दतीने दर्शन सुरू ठेवण्यात येणार आहे.शासनाच्या नियमानुसार मानाच्या पालख्या येतील त्या-त्या पध्दतीने त्यांची सर्व व्यवस्था करण्याची जबाबदारी मंदिर समितीची आहे. त्यांचे स्वागत करण्यासाठी आम्ही सज्ज आहोत त्यात कोणत्याही कमरतेत कमी पडणार नाही असे समितीचे सहाध्यक्ष ह. भ. प. गहीनाथ महाराज औसेकर यांनी सांगितले.*
*👉या बैठकीस श्री विठ्ठल-रूक्मिणी मंदिर समितीचे सदस्य ज्ञानेश्वर महाराज जळगांवकर, संभाजीराजे शिंदे, शकुंतला नडगिरे, नगराध्यक्षा साधनाताई भोसले, मंदिर समितीचे कार्यकारी अधिकारी विठ्ठल जोशी, व्यवस्थापक बालाजी पुदलवाडत तसेच इतर सदस्य ऑनलाईनपध्दतीने उपस्थित होते.*
*👉शासन नियमांनुसार सर्व विधी व परंपरा अबाधित ठेवून आषाढी यात्रा पार पाडली जाणार आहे. यामध्ये कोणतीही तडजोड केली जाणार नाही. आषाढी वारीसाठी श्री विठ्ठल-रूक्मिणी मंदिर समितीचे सज्ज आहे.कोरोनाची लाट कशाप्रकारे राहिल त्याप्रमाणे व्यवस्थापन केले जाईल.वारकर्यांच्या सेवेसाठी आम्ही कठीबध्द आहोत.ह. भ. प. गहिनीनाथ महाराज औसेकर सहाध्यक्ष, श्री विठ्ठल-रूक्मिणी मंदिरे समिती*
*👉20 जुलै रोजी आषाढी एकादशी*
*👉12 जुलैपासून श्री विठ्ठलाचे 24 तास ऑनलाईन दर्शन*
*👉महापूजेसाठी लवकरच मुख्यमंत्र्यांना निमंत्रण*
*👉देव-संताची भेट परंपरेप्रमाणे होणार*
*👉शासनाच्या नियमांप्रमाणे चंद्रभागा स्नान व नगरप्रदक्षणा होणार*
*👉प्रथा व परंपरा अबाधित ठेवून आषाढी यात्रा साजरी होणार*